निष्फळ आणि सफल वाणी

 🌼🌼🌼🌼🌼🌼🌼🌼🌼🌼🌼

*_धम्माचरण न करणाराचे बोल निरर्थक ठरतात_*

https://mikamblemahesh.blogspot.com/2024/04/blog-post_5.html

*_!! ॐ मणी पद्मे हूँ !!_*

🌼🌼🌼🌼🌼🌼🌼🌼🌼🌼

*_यथापि रुचिरं पुप्फं वण्णवन्तं अगन्धकं ।_*

*_एवं सुभासिता वाचा अफला होति अकुब्बतो ॥_*

*_अर्थ :- ज्याप्रमाणे शोभिवंत पुष्प रंग असून सुवास नसला तर ते निरुपयोगी होते, त्याप्रमाणे आचरण न करणाऱ्याचे सुभाषित बोल निरर्थक ठरतात._*

                    _श्रावस्तीमद्ये छत्तपाणि नावाचा एक अनागामी उपासक होता. एके दिवशी जेव्हा छत्तपाणि वन्दना करून तथागतांजवळ बसला होता. त्याचवेळी महाराज प्रसेनजित सुद्धा तथागतांचे दर्शन घेण्तेयासाठी तेथे आला. छत्तपाणि तथागतांच्या गौरवामुळे उठून राजास प्रणाम केला नाही. काही दिवसांनी राजाने त्याला राजभवनाजवळून जातांना बघितले, बोलवून त्या दिवशी प्रणाम न करण्याचे कारण विचारले. बुद्धगौरवामुळे उठून प्रणाम केला नाही असे छत्तपाणि म्हणाला. राजाचे समाधान झाले. आपल्या अन्तःपुरातील राण्यांना धम्म शिकवावा म्हणून छत्तपाणिस सांगितले परन्तु त्याने कबुल केले नाही. त्यानंतर राजा तथागतांकडे गेला व एका भिक्षुस मागितले. तथागतांनी हे काम आनन्दाकडे सोपविले. ते नेहमी मल्लीका आणि वासभखत्तिया यांना धम्म शिकविणाकरिता राजभवनात जात होते. यात मल्लीका मन लावून शिकून स्मरणात ठेवत होती, परन्तु वासभखत्ति मन लावून शिकत नव्हती आणि स्मरणातही ठेवत नव्हती. एके दिवशी तथागत आनन्दाने सांगितलेली बाब जाणून म्हणाले - *"मी सांगितलेला धम्म मन लावून न एकणारे आणि धारण न करणारे वर्णयुक्त गन्धरहित पुष्पाप्रमाणे निष्फल आहेत परन्तु मन लावुन ऐकणारे व धारण करणारे महाफलवान"* असे म्हणाले आणि ही गाथा सांगितली._

*_मंगल होवो! कल्याण होवो! भले होवो!_*

*_!!ॐ मणी पद्मे हूँ !!_*

🌼🌼🌼🌼🌼🌼🌼🌼🌼🌼🌼 

*_संकलन - महेश कांबळे_*

*_दिनांक :- ०६/०४/२०२४_*

*_संदर्भ :-_*

_*१) धम्मपद - पुप्फवग्गो*_

_*२) धम्मपद - गाथा आणि त्यांच्या अट्ठकथा*_

🌼🌼🌼🌼🌼🌼🌼🌼🌼🌼🌼