🌼🌼🌼🌼🌼🌼🌼🌼🌼🌼🌼
*_स्त्रिया आणि अंधश्रद्धा निर्मूलन_*
*_डॉ. नरेंद्र दाभोलकर_*
https://mikamblemahesh.blogspot.com/2024/03/blog-post_23.html
*_!! ओम मणी पद्मे हूँ !!_*
🌼🌼🌼🌼🌼🌼🌼🌼🌼🌼🌼
*_भाग २_*
*_स्त्रीचे जीवन पुरुषाधारित_*
_हा सगळा आंतरविरोध आपण नीट समजून घ्यायला हवा. एकाच वेळेला स्त्रीची जी दोन विदारक रूपं आपल्यासमोर येतात, त्यांच्यामुळे आपल्याला या प्रश्नाचं बहुआयामित्व लक्षात येतं आणि स्त्री अजूनही वामांगीच, म्हणजे डाव्या बाजूला, कमअस्सल बाजूला, अपवित्र बाजूला बसलेलीच का मानण्यात आलेली आहे, हे आपण जर शोधायला लागलो, तर 'स्त्रिया आणि अंधश्रद्धा' या प्रश्नाचं व्यापकत्व आपल्या लक्षात येतं. म्हणजे कुठलीही स्त्री 'कुमारी' असते. तिचं लग्न उशिरा झालं, तर ती 'प्रौढ कुमारी' बनते. लग्न ठरलं की, तीच 'सौभाग्यकांक्षिणी' बनते; लग्नं झालं की, 'सौभाग्यवती' बनते; नवऱ्याने घटस्फोट दिला, तर 'घटस्फोटिता' बनते; नवऱ्याने टाकून दिलं, तर 'परित्यक्ता' बनते; नवरा मरण पावला, तर 'विधवा' बनते. म्हणजे प्रत्येक वेळेला ती पुरुषाच्या संदर्भातच असते; ती स्वतः कोणी नसतेच. म्हणजे परित्यक्ता या शब्दामध्ये 'नवऱ्याने बायकोला टाकून देणं' गृहीत आहे. 'बायकोने नवऱ्याला टाकून देणं' या कृतीला मराठीमध्ये शब्ददेखील नाही._
_*याचा अर्थच असा की, स्त्रीचं सगळं जीवन पुरुषांशी संबंधित असतं.* म्हणजे तिचा नवरा जिवंत आहे की नाही, याच्याशी तिचा थेट संबंध नसतो. कधी तो लढाईमध्ये मारला जातो, कधी तो अपघातामध्ये मरण पावतो, कधी दारू पिऊन तो स्वतःच्या तब्येतीची बरबादी करून घेतो आणि मरण पावतो; *परंतु एकदा स्त्रीचा पती मरण पावला की, मग ना तिला कुठल्या हळदी-कुंकवाच्या कार्यक्रमाला बोलवलं जातं, घराची पायाभरणी वगैरे मंगल कार्यं ना तिच्या हातून केली जातात किंवा ज्या मुलीला या स्त्रीने स्वतःच्या पोटात नऊ महिने वाढवलेलं असतं, त्या मुलीच्या कन्यादानाचा अधिकारही या स्त्रीला मिळत नाही. आता कन्यादान करावं का करू नये, याचं साधं उत्तर असंच आहे की, कन्या ही काही दान करण्याची वस्तू नाही, त्यामुळे दान करूच नये, 'पण तू बाई आहेस आणि तुझा नवरा जिवंत नाही, म्हणून कन्यादान करण्याचा अधिकार तुला नाही', असं म्हणणं, याचा अर्थ, स्त्रीला सर्व बाजूंनी गौणत्व देण्यात आलेलं आहे, असाच आहे.*_
*_मंगल होवो! कल्याण होवो! भले होवो!_*
*_!! ओम मणी पद्मे हूँ !!_*
🌼🌼🌼🌼🌼🌼🌼🌼🌼🌼🌼
*_संकलन - महेश कांबळे_*
*_दिनांक :-२३/०३/२०२४_*
*_संदर्भ :-_*
_*१) स्त्रिया आणि अंधश्रद्धा निर्मूलन - लेखक डॉ नरेंद्र दाभोळकर *_
🌼🌼🌼🌼🌼🌼🌼🌼🌼🌼🌼
No comments:
Post a Comment