_*प्रश्न २ - तुमच्याकडून आणि तुमच्या कार्यकर्त्यांकडून सतत अंधश्रद्धा निर्मूलनाची चतुःसूत्री मांडली जाते. ती नेमकी काय आहे आणि तिचं अंधश्रद्धा निर्मूलनामधलं नेमकं योगदान काय आहे?*_
_उत्तर - अंधश्रद्धा निर्मूलनाची चतुःसूत्री अशी आहे-_
_*१. शोषण करणाऱ्या, दिशाभूल करणाऱ्या अंधश्रद्धांना विरोध करणं.*_
_*२. वैज्ञानिक दृष्टिकोनाचा विचार, प्रसार आणि अंगीकार करणं.*_
_*३. धर्माची कृतिशील, विधायक आणि प्रसंगी कठोर चिकित्सा करणं.*_
_*४. व्यापक परिवर्तनाच्या चळवळीशी स्वतःला जोडून घेणं.*_
_शोषण करणाऱ्या अंधश्रद्धांना विरोध करणं म्हणजे काय? अशा कुठल्या अंधश्रद्धा आहेत ? यांतलं एक उत्तर महाराष्ट्राची विधानसभा जो कायदा आता पास करणार आहे, त्यात आहे आणि दुसरं उत्तर माझ्या *एका तरुण कार्यकर्त्यानं 'अंधश्रद्धा निर्मूलन म्हणजे काय' याचा एक मंत्र केला होता त्यात आहे. तो मंत्र असा-*_
_*'बुवाबाजी, भूत, भानामती, शकुन-अपशकुन, नशीब, ज्योतिष, चमत्कार, चकवा, दृष्ट लागणे, मूठ मारणे, देवी अंगात येणे ये सब थोतांड; २१ लाख का है जाहीर आव्हान!'*_
_या मंत्रात सांगितलेल्या सगळ्या अंधश्रद्धा आहेत आणि त्यांच्याशी संघर्ष करणं हे चतुःसूत्रीतलं पहिलं सूत्र._
_*दुसरं सूत्र- वैज्ञानिक दृष्टिकोनाचा विचार, प्रसार आणि अंगीकार करणं.* त्यासाठी अंनिस सर्व पातळ्यांवर काम करते. उदाहरणार्थ, अंनिसनं मोठ्या प्रमाणांवर शिक्षकांची शिबिरं घेतलेली आहेत. त्यांच्यामार्फत अडीच-तीन लाख विद्यार्थ्यांचं प्रशिक्षण केलं आहे. फिरती नभांगणं आणि फिरती तारांगणं यांच्यासारखे उपक्रम घेतले आहे._
_*तिसरं सूत्र- धर्माची कृतिशील, विधायक आणि कठोर चिकित्सा करणं.* मला स्वतःला असं वाटतं की, आज महाराष्ट्रामध्ये कृतिशीलपणे चिकित्सा करणारी अंनिसखेरीज दुसरी संघटना नाही. उदाहरणार्थ... *महाराष्ट्रामध्ये दरवर्षी साधारणपणे एक-दीड कोटी गणपती बसतात, ते प्लॅस्टर ऑफ पॅरिसचे असतात, त्या मूर्ती पाण्यात विरघळत नाहीत, पण त्यावरचे रासायनिक रंग विरघळून प्रदूषण होतं. ही धर्मचिकित्सा आहे. २१व्या शतकामध्ये शनिशिंगणापूरच्या चौथऱ्यावर आणि कोल्हापूरच्या महालक्ष्मी मंदिरात महिलांना का प्रवेश नाही? ही धर्मचिकित्सा आहे. महाराष्ट्रातल्या तीन-चार हजार जत्रा-यात्रांमध्ये मिळून पाच-सहा लाख बोकड मारले जातात. ते कसे थांबवता येईल, ही धर्मचिकित्सा आहे. आज विज्ञान इतकं पुढे गेलं असताना आंतरजातीय लग्नं का होत नाहीत? ही अशी धर्मचिकित्सा विधायक आणि कृतिशील पद्धतीनं करणं हे अंनिसचं तिसरं सूत्र आहे.*_
_*चौथं सूत्र- व्यापक परिवर्तनाच्या चळवळीशी स्वतःला जोडून घेणं. 'अंधश्रद्धा निर्मूलन एके अंधश्रद्धा निर्मूलन' असं करून आमची चळवळ यशस्वी होणार नाही. त्याला व्यापक समाजपरिवर्तनाची जोड द्यावी लागेल आणि व्यापक समाजपरिवर्तनासाठी अंधश्रद्धा निर्मूलनाची चळवळ मदतीची ठरेल.*_
🌼🌼🌼🌼🌼🌼🌼🌼🌼🌼🌼
*_संकलन - महेश कांबळे_*
*_दिनांक :- ३०/१२/२०२३_*
*_संदर्भ :-_*
*_१) प्रश्न तुमचा, उत्तर दाभोलकरांचे (मुलाखत - विनोद शिरसाठ दिनांक ०८/०४/२०१३)*
https://mikamblemahesh.blogspot.com/2023/12/blog-post_30.html
🌼🌼🌼🌼🌼🌼🌼🌼🌼🌼🌼
No comments:
Post a Comment