दुस्सीलआदीनवा

🌼🌼🌼🌼🌼🌼🌼🌼🌼🌼🌼

*_महापरिनिब्बानसुत्त_*

*_दुस्सीलआदीनवा_* 

*_!! ओम मणी पद्मे हूँ !!_*

🌼🌼🌼🌼🌼🌼🌼🌼🌼🌼🌼

१४८. अथ खो भगवा नाळन्दायं यथाभिरन्तं विहरित्वा आयस्मन्तं आनन्दं आमन्तेसि " आयामानन्द, येन पाटलिगामो तेनुपसङ्कमिस्सामा, ति"। "एवं, भन्ते, ति" खो आयस्मा आनन्दो भगवतो पच्चस्सोसि । अथ खो भगवा महता भिक्खुसङ्गेन सद्धिं येन पाटलिगामो तदवसरि। अस्सोसुं खो पाटलिगामिका उपासका - "भगवा किर पाटलिगामं अनुप्पत्तो, ति"। अथ खो पाटलिगामिका उपासका येन भगवा तेनुपसङ्कमिंसु; उपसङ्कमित्वा भगवन्तं अभिवादेत्वा एकमन्त निसीदिसु । एकमन्तं निसिन्ना खो पाटलिगामिका उपासका भगवन्तं एतदवोचुं - “अधिवासेतु नो, भन्ते, भगवा आवसथागार "न्ति। अधिवासेसि भगवा तुम्हीभावेन। अथ खो पाटलिगामिका उपासका भगवतो अधिवासनं विदित्वा उट्ठायासना भगवन्तं अभिवादेत्वा पदक्खिणं कत्वा येन आवसथागारं तेनुपसङ्कमिंसु; उपसङ्कमित्वा सब्बसन्थरि (सब्बसन्थरितं सत्थतं (स्या.), सब्बसन्थरि सन्तं (क.)) आवसथागारं सन्थरित्वा आसनानि पञ्ञपेत्वा उदकमणिकं पतिट्ठापेत्वा तेलपदीपं आरोपेत्वा येन भगवा तेनुपसङ्कमिंसु, उपसङ्कमित्वा भगवन्तं अभिवादेत्वा एकमन्तं अट्ठंसु । एकमन्तं ठिता खो पाटलिगामिका उपासका भगवन्तं एतदवोचुं "सब्बसन्थरिसन्थतं (सब्बसन्थरि सन्थतं (सी. स्या. पी. क.)), भन्ते, आवसथागार, आसनानि पञ्ञत्तानि, उदकमणिको पतिट्ठापितो, तेलपदीपो आरोपितो; यस्सदानि, भन्ते, भगवा कालं मञ्ञती, ति"। अथ खो भगवा सायन्हसमयं ( इदं पदं विनयमहावग्ग न दिस्सति)। निवासेत्वा पत्तचीवरमादाय सद्धिं भिक्खुसङ्गेन येन आवसथागारं तेनुपसङ्कमि; उपसङ्कमित्वा पादे पक्खालेत्वा आवसथागारं पविसित्वा मज्झिमं थम्भं निस्साय पुरत्याभिमुखो (पुरत्थिमाभिमुखो (क.)) निसीदि। भिक्खुसङ्घोपि खो पादे पक्खालेत्वा आवसथागारं पविसित्वा पच्छिमं भित्तिं निस्साय पुरत्थाभिमुखो निसीदि भगवन्तमेव पुरक्खत्वा । पाटलिगामिकापि खो उपासका पादे पक्खालेत्वा आवसथागारं पविसित्वा पुरत्थिमं भित्तिं निस्साय पच्छिमाभिमुखा निसीदिंसु भगवन्तमेव पुरक्खत्वा ।

१४९. अथ खो भगवा पाटलिगामिके उपासके आमन्तेसि - "पञ्चिमे, गहपतयो, आदीनवा दुस्सीलस्स सीलविपत्तिया। कतमे पञ्च? इध, गहपतयो, दुस्सीलो सीलविपन्नो पमादाधिकरणं महतिं भोगजानिं निगच्छति। अयं पठमो आदीनवो दुस्सीलस्स सीलविपत्तिया ।

"पुन चपरं, गहपतयो, दुस्सीलस्स सीलविपन्नस्स पापको कित्तिसदो अब्भुग्गच्छति। अयं दुतियो आदीनवो दुस्सीलस्स सीलविपत्तिया।

"पुन चपरं, गहपतयो, दुस्सीलो सीलविपन्नो यज्ञदेव परिसं उपसङ्कमति यदि खत्तियपरिसं यदि ब्राह्मणपरिसं यदि गहपतिपरिसं यदि समणपरिसं अविसारदो उपसङ्क्रमति मङ्कूभूतो। अयं ततियो आदीनवो दुस्सीलस्स सीलविपत्तिया ।

"पुन चपरं, गहपतयों, दुस्सीलो सीलविपन्नो सम्मूळ्हो कालङ्करोति । अयं चतुत्थो आदीनवो दुस्सीलस्स सीलविपत्तिया ।

“पुन चपरं, गहपतयो, दुस्सीलो सीलविपन्नो कायस्स भेदा परं मरणा अपायं दुग्गतिं विनिपातं निरयं उपपज्जति । अयं पञ्चमो आदीनवो दुस्सीलस्स सीलविपत्तिया। इमे खो, गहपतयो, पञ्च आदीनवा दुस्सीलस्स सीलविपत्तिया ।

*_मंगल होवो! कल्याण होवो! भले होवो!_*

*_!! ओम मणी पद्मे हूँ !!_*

🌼🌼🌼🌼🌼🌼🌼🌼🌼🌼🌼

*_महेश कांबळे_*

*_दिनांक :- ०१/१०/२०२३_*

*_संदर्भ :- सुत्तपिटक - दिघनिकाय - महावग्गपाळी - महापरिनिब्बानसुत्त - दुस्सीलआदीनवा_*

https://mikamblemahesh.blogspot.com/2023/09/blog-post_30.html

🌼🌼🌼🌼🌼🌼🌼🌼🌼🌼