वासेट्ठसुत्तं (पाली)

              🌼🌼🌼🌼🌼🌼🌼🌼🌼🌼🌼

*_वासेट्ठभारद्वाजा सुत्तं _*

*_!! ओम मणी पद्मे हूँ !!_*

🌼🌼🌼🌼🌼🌼🌼🌼🌼🌼🌼

एकमन्तं निसिन्नो खो वासेट्ठो माणवो भगवन्तं गाथाहि अज्झभासि- अनुञ्ञातपटिञ्ञाता, तेवज्जा मयमस्मुभो । अहं पोक्खरसातिस्स, तारूक्खस्साय माणवो ||१|| 

तेविज्जानं यदक्खातं, तत्र केवलिनोस्मसे । पदकस्मा वैय्याकरणा, जप्पे आचरियसादिसा || २ || 

तेसं नो जातिवादस्मिं, विवादो अत्थि गोतम । जातिया ब्राह्मणो होति, भारद्वाजा'ति भासति । अहं च कम्मनाब्रूमि, एवं जानाहि चक्खुम | | ३ || 

ते न सक्कोम अञ्ञत्तु अञ्ञमञ्ञ मयं उभो । भगवन्तं पुट्ठमागम्मा, सम्बुद्धं इति विस्सुतं ॥ ४ ॥ 

चन्दं यथा खयातीतं, पेच्च पञ्जलिका जना । वन्दमाना नमस्सन्ति, एवं लोकस्मिं गोतमं ॥ ५ ॥ 

चक्खुं लोके समुप्पन्नं, मयं पुच्छाम गोतमं । जातिया ब्राह्मणो होति, उदाहु भवति कम्मना । अजानतं नो पब्रूहि, यथा जानेमु ब्राह्मणं । | ६ || 

तेसं वोह व्यक्खिस्सं, (वासेट्ठाति भगवा) अनुपुब्बं यथातयं । जातिविभङ्ग पाणानं, अञ्ञमञ्ञा हि जातियो । ७ ।। 

तिरुक्ख पि जानाथ, न चापि पटिजानरे । लिङ्गं जातिमयं तेसं, अञ्ञमञ्ञा हि जातियो ॥ ॥ ८ ॥

ततो कीटे पतङ्गे च याव कुन्थकिपिल्लिके । लिङ्ग जातिमयं ते, अञ्ञमञ्ञा हि जातियो ।। ९ ।। 

चतुप्पद' पि जानाथ, खुद्दके च महल्लके । लिङ्गं जातिमयं तेसं, अञ्ञमञ्ञा हि जातियो ।।१०।। 

पादूदरपि जानाथ, उरगे दीघपिट्टिके । लिङ्गं जातिमयं तेस, अञ्ञमञ्ञा हि जातियो ।।११।। 

ततो मच्छे'पि जानाथ, उदके वारि गोचरे । लिङ्गं जातिमयं तेसं, अञ्ञमञ्ञा हि जातियो ||१२|| 

ततो पक्खि'पि जानाथ, पत्तयाने विहङ्गमे । लिङ्गं जातिमयं तेसं, अञ्ञमञ्ञा हि जातियो । । १३ ।। 

यथा एतासु जातीसु, लिङ्गं जातिमयं पुथु । एवं नत्थि मनुस्सेसु, लिङ्गं जातिमयं पुथु ||१४|| 

न केसेहि न सीसेन, न कण्णेहि न अक्खिहि । न मुकेन न नासाय, न ओट्ठेहि भमूहि वा ||१५||

न गीवाय न अंसेहि, न उदरेन न पिट्टिया । न सोणिया न उरसा, न सम्बाधे न मेथुने ||१६||

न हत्थेहि न पादेहि, नाङ्गुलीहि नखेहि वा । न जङ्घाहि न उरूहि, न वण्णेन सरेन वा । लिङ्गं जातिमयं नेव, यथा अञ्ञासु जातिसु ||१७|| 

पच्चत्तं च सरीरेसु, मनुस्सेस्वेतं न विज्जति । वोकारं च मनुस्सेसु, समञ्ञाय पवुच्चति । | १८ ||

यो हि कोचि मनुस्सेसु, गोरक्खं उपजीवति । एवं वासेट्ठ जानाहि, कस्सको सो न ब्राह्मणो ।।१९।। 

यो हि कोचि मनुस्सेसु, पुथु सिप्पेन जीवति । एवं वासेट्ठ जानाहि, सिप्पिको सो न ब्राह्मणो ||२०||

यो हि कोचि मनुस्सेसु, वोहारं उपजीवति । एवं वासेट्ठ जानाहि, वाणिजो सो न ब्राह्मणो ।। २१ ।। 

वो हि कोचि मनुस्सेसु, परपेस्सेन जीवति । एवं वासेट्ठ जानाहि, पेस्सिको सो न ब्राह्मणो ||२२|| 

यो हि कोचि मनुस्सेसु, अदिन्नं उपजीवति । एवं वासेट्ठ जानाहि, चोरो एसो न ब्राह्मणो । । २३ ।।

यो हि कोचि मनुस्सेसु, इस्सत्थं उपजीवति । एवं वासेट्ठ जानाहि, योधाजीवो न ब्राह्मणो ।। २४ ।। 

यो हि कोचि मनुस्सेसु, पोरोहिच्चेन जीवति । एवं वासेट्ठ जानाहि, याजको सो न ब्राह्मणो ||२५||

यो हि कोचि मनुस्सेसु, गामं रटुं च भुञ्जति । एवं वासेट्ठ जानाहि, राजा एसो न ब्राह्मणो ||२६|| 

न चाहं ब्राह्मणं ब्रूमि, योनिजं मत्तिसमभवं । भोवादि नाम सो होति, सच्चे होति सकिन्चनो । अविन्चनं अनादानं, तमहं ब्रूमि ब्राह्मणं ।। २७ ।।

सब्बसंयोजनं छेत्वा, यो वे न परितस्सति । सङ्घातिगं विसंयुत्तं तमहं ब्रूमि ब्राह्मणं ।। २८ ।।

छत्वा नन्धिं वरतं च सन्दानं सहनुक्कमं । उक्खित्तपळियं बुद्धं, तमहं ब्रूमि ब्राह्मणं ।। २९ ।। 

अक्कोसं बधबन्धं च, अदुट्ठो यो तितिक्खति । खन्तीवलं बलानीकं तमहं ब्रूमि ब्राह्मणं ।। ३० ।। 

अक्कोधन वतवन्तं, सीलवन्तं अनुस्सदं । दन्त अन्तिमसारीरं तमहं ब्रूमि ब्राह्मणं ||३१||

वारि पोक्खरपत्तेव, आरग्गेरिव सासपो। यो न लिप्पति कामेसु, तमहं ब्रूमि ब्राह्मणं । । ३२ || 

यो दुक्खस्स पजानाति, इधेव खयमत्तनो । पन्नभारं विसंयुत्तं तमहं ब्रूमि ब्राह्मणं ||३३|

गम्भीरपञ्ञ मेधाविं, मग्गामग्गस्स कोविदं । उत्तमत्थं अनुप्पत्तं, तमहं ब्रूमि ब्राह्मणं । ३४ ।। 

असंमट्ठ गहट्ठेहि, अनागरेहि चूभयं । अनोकसारि अप्पिच्छं, तमहं ब्रूमि ब्राह्मणं ।। ३५ ।।

निधाय दण्डं भूतेसु, तसेसु थावरेसु च । यो न हन्ति न घातेति तमहं ब्रूमि ब्राह्मणं | | ३६ || 

अविरुद्धं विरुद्धेसु, अत्तदण्डेसु निब्बुतं । सादानेसु अनादानं, तमहं ब्रूमि ब्राह्मणं ।। ३७ ।। 

यस्स रागो च दोसो च, मानो मक्खो च पातितो। सासपोरिव आरग्गा, तमहं ब्रूमि ब्राह्मणं ।। ३८ ।। 

अकक्कासं विञ्ञापनिं, गिरं सच्च उदीरये । याय नाभिसजे कन्चि, तमहं ब्रूमि ब्राह्मणं ।। ३९ ।। 

यो च दीघं व रस्सं वा, अणु थूलं सुभासुभं । लोके अदिन्न नादियति, तमहं ब्रूमि ब्राह्मणं ।। ४० ।। 

आसा यस्स न विज्जन्ति, अस्मिं लोको परम्हि च । निरासयं विसंयुत्तं तमहं ब्रूमि ब्राह्मणं । । ४१ ।। 

यस्सालया न विज्जन्ति, अञ्ञाय अकथंकथी । अमतोगधं अनुप्पत्तं, तमहं ब्रूमि ब्राह्मणं ।। ४२ ।। 

यो'ध पुञ्ञ च पापं च, उभो स उपच्चगा । असोकं विरजं सुद्धं, तमहं ब्रूमि ब्राह्मणं । । ४३ । । 

चन्दं' व विमलं सुद्धं, विप्पसन्नमनाविलं । नन्दी भवपरिक्खीणं, तमहं ब्रूमि ब्राह्मणं । । ४४ । 

यो इमं पलिपथं दुग्गं, संसार मोहमच्चगा । तिणेणो पारगतो झायी, अनेजो अकथंकथी । अनुपादाय निब्बुतो, तमहं ब्रूमि ब्राह्मणं । । ४५ ।।

यो' ध कामे पहत्वान, अनागारो परिब्बजे । कामभवपरिक्खिणं, तमहं ब्रूमि ब्राह्मणं ॥ ४६।।

यो ध तण्हं पहत्वान, अनागारो परिब्बजे । तण्हाभवपरिक्खीणं, तमहं ब्रूमि ब्राह्मणं ।। ४७ ।।

हित्वा मानुसकं योगं, दिब्बं योगं उपच्चगा । सब्बयोगविसंयुत्तं, तमहं ब्रूमि ब्राह्मणं । ४८ ।। 

हित्वा रतिं च अरतिं च, सीतिभूतं निरूपधिं । सब्बलोकाभिभुं वीरं, तमहं ब्रूमि ब्राह्मणं । ४९ ।।

चुतिं यो वेदि सत्तानं, उपपत्तिं च सब्बसो । असतं सुगतं बुद्धं, तमहं ब्रूमि ब्राह्मणं ।। ५० ।। 

यस्स गतिं न जानन्ति, देवागन्धब्बमानुसा । खीणसवं अरहन्तं, तमहं ब्रूमि ब्राह्मणं ।। ५१ ।। 

यस्स पुरे च पच्छा च, मज्झे च नत्थि किन्चनं । अकिन्चनं अनादानं, तमहं ब्रूमि ब्राह्मणं ॥ ५२ ॥ 

उसभं पवरं वीरं, महेसि विजिताविनं । अनेजं नहातकं बुद्धं, तमहं ब्रूमि ब्राह्मणं ।। ५३ ।

पुब्बे निवासं यो वेदि, सग्गापयं च पस्सति । अथो जातिखयं पत्तो, तमहं ब्रूमि ब्राह्मणं । । ५४ ||

समञ्ञा हेसा लोकस्मिं, नामगोत्तं पकप्पितं । सम्मुच्चा समुदागतं, तत्थ तत्थ पकप्पितं ॥ ५५ ॥

दीघरत्तमनुसयितं दिट्ठिगतमजानतं । अजानन्ता नो पब्रूवन्ति, जातिया होति ब्राह्मणो ||५६ ||

*_न जच्चा ब्राह्मणो होति, न जच्चा होति अब्राह्मणो । कम्मना ब्राह्मणो होति, कम्मना होति अब्राह्मणो ||५७ ||_*

कस्सको कम्मना होति, सिप्पिको होति कम्मना । वाणिजो कम्मना होति, पेस्सिको होति कम्मना ॥ ५८ ॥ 

चोरो'पि कम्मना होति, योधाजीवो'पि कम्मना । याजको कम्मना होति, राजा'पि होति कम्मना । । ५९ ।। 

एवमेतं यथाभुतं, कम्मं पस्सन्ति पण्डिता । पटिच्चसमुप्पाददसा, कम्मविपाककोविदा ।। ६० ।। 

कम्मना वत्तती लोको, कम्मना वत्तती पजा । कम्मनिबन्धना सत्ता, रथस्साणी' व यायतो ।। ६१ ।।

तपेन ब्रह्मचरियेन, संयमेन दमेन च। एतेन ब्राह्मणो होति, एतं ब्राह्मणमुत्तमं । । ६२ ।। 

तीहि विज्जाहि सम्पन्नो, सन्तो खीणपुनब्भवो । एवं वासे जानाहि, ब्रह्मा सक्को विजानत' न्ति ।। ६३ ।। |

वासेट्ठसुत्तं निट्ठितं।

*_मंगल होवो! कल्याण होवो! भले होवो!_*

*_!! ओम मणी पद्मे हूँ !!_*

🌼🌼🌼🌼🌼🌼🌼🌼🌼🌼🌼

*_महेश कांबळे_*

*_दिनांक :- २४/०९/२०२३_*

*_संदर्भ :- सुत्तपिटक - दिघनिकाय - पाथिकवग्गपाळी_*  

              *_४ अग्गञ्ञसुत्तं - वासेट्ठभारद्वाजा_*

https://mikamblemahesh.blogspot.com/2023/09/blog-post_24.html

🌼🌼🌼🌼🌼🌼🌼🌼🌼🌼