पंढरपूर येथे बौद्ध धर्माचे देवालय होते

🌼🌼🌼🌼🌼🌼🌼🌼🌼🌼🌼

_*पंढरपूर येथे बौद्ध धर्माचे देवालय होते हे मी सिद्ध करून देईन.*_

🌼🌼🌼🌼🌼🌼🌼🌼🌼🌼🌼

          _*दिनांक २५ डिसेंबर १९५४ रोजी देहू रोड येथील बुद्ध मंदिरात डॉ बाबासाहेब आंबेडकर यांच्या हस्ते भगवान बुद्धाच्या मूर्तीची विधीपूर्ण कृत्ये झाल्यानंतर प्रतिष्ठापना करण्यात आली.  डॉ बाबासाहेब आंबेडकरांनी ही मूर्ती खास रंगून येथून आणली होती.* या समारंभाप्रसंगी ४० हजारांवर जनसमुदाय हजर होता. एडव्होकेट शंकरराव खरात, ऑर्गनायझिंग सेक्रेटरी, महाराष्ट्र प्रदेश शे. का.फे यांच्या हस्ते ध्वजारोहण करण्यात आले. *उपस्थित जनसमुदायाला डॉ बाबासाहेब आंबेडकर आपल्या भाषणात म्हणाले...त्यातील काही अंश* :-_

            _मला आपणाला दोन गोष्टी सांगावयाच्या आहेत. *तुम्ही या धर्माचा स्वीकार कराल त्या दिवशी बर्याच गोष्टी सोडून दिल्या पाहिजेत. एकादशीला पंढरपूरला जाणे, द्वादशीला इतर क्षेत्राला जाणे बंद करायला हवे.* मला चांगली आठवण आहे. नाशिक जिल्ह्यात त्र्यंबक येथे कुंड होते. या कुंडात फक्त पसाभर पाणी होते. यात्रेकरू लोक त्यात फडके भिजवून घेऊन अंगाला चोळीत. *अशा तर्हेची खिचडी मी बौद्ध धर्मात होऊ देणार नाही. स्वच्छ पाण्यात घाणेरडे पाणी ओतता कामा नये, भगवान बुद्धाचा धर्म तोच आमचा धर्म, असा आता आम्ही निश्चय केला आहे.*_

            _तुम्ही पंढरपूरला जाता, पांडुरंगाचे अभंग म्हणता. *पुण्याच्या इतिहास संशोधन मंडळातील लोकांची पंढरीचा विठ्ठल कोण होता यावर हुज्जत चालू आहे. पण माझा त्यांना खडा सवाल आहे की, विठ्ठलाची भानगड सोडून देऊन पंढरीचा पांडूरंग कोण ? याचे पहिल्यांदा उत्तर द्या. तो होता कुठे ? त्याला पळविलं कोणी ? कोणी डुबविलं?*_

             _*पांडूरंग म्हणजे पंढरपूर येथे बौद्ध धर्माचे देवालय होते हे मी त्यांना सिद्ध करून देईन. पुंडलीक या शब्दापासून पांडूरंग हा शब्द झाला. पुंडलीक याचा अर्थ कमळ. बौद्ध धर्मात मूर्तीपूजा नव्हती. अज्ञानी लोकांना तत्त्वज्ञान काय कळे! कमळाला पाली भाषेत पांडूरंग असे म्हणतात. तुम्हाला भुलविण्यासाठी ब्राह्मणांनी बुद्धाच्या नावाचा लोप केला.*_

             _*मतलबी लोक महाराष्ट्रातील लेणी ही पांडव लेणी असल्याचे सांगतात. इकडे 'पांडव' कशाला आले होते ? पांडव दिल्लीच्या बाहेर ८० मैलाच्या पलिकडे गेले नाहीत. त्यांनी अलवार स्टेटमध्ये पंधराशे लेणी खोदली कशी ? त्यांच्याजवळ टिकास नव्हती की पावडं नव्हतं. *भगवान बुद्धाने सांगितले की "ये आणि पाहा!" मी सांगतो म्हणून तुम्ही हा धर्म घ्यावा असे नाही तुझी अविद्या नाहिशी झाली तरच तू या धर्माचा स्वीकार कर."* 

 *_मंगल होवो! कल्याण होवो! भले होवो!_*

*_!! ओम मणी पद्मे हूँ !!_*

🌼🌼🌼🌼🌼🌼🌼🌼🌼🌼🌼

*_संदर्भ :- डॉ बाबासाहेब आंबेडकर लेखन आणि भाषणे (खंड १८ भाग ३)_*

*_संकलन :- महेश कांबळे_*

*_दिनांक :- ३०/०६/२०२३_*

https://mikamblemahesh.blogspot.com/2023/06/blog-post_30.html

🌼🌼🌼🌼🌼🌼🌼🌼🌼🌼🌼