चैत्यांचा अलौकिकपणा

 🌷🌷🌷🌷🌷🌷🌷🌷🌷🌷🌷

                     *_चैत्यांचा अलौकिकपणा_*

            

             _*निर्वाणाचा साक्षात्कार केलेल्या सर्वच लोकांच्या चैत्यामध्ये अलौकिकपणा असतोच असे नाही, त्यातील काही जणांच्या चैत्यामध्ये अलौकिकपणा असतो तर काही जणांमध्ये नसतो. तीन अधिष्ठांनांपैकी निदान एकाचेतरी अधिष्ठान करून निर्वाणाचा साक्षात्कार करून घेतात, अशाच भिक्षूंच्या चैत्यामध्ये अलौकिकपणा असतो.*_ ते तीन अधिष्ठान असे -

*१)* _कोणी अर्हत आपल्या जिवंतपणी देवता आणि मनुष्यावर अनुकंपा करून असे अधिष्ठान करतो की, "माझ्या चैत्यामध्ये अलौकिकपणा यावा". त्यांनी असे अधिष्ठान करतांना संकल्प केल्यामुळे त्याच्या चैत्यात अलौकिकपणाचा असा गुण येत असतो. याप्रमाणे अर्हतांनी अधिष्ठान करून निर्वाणाचा साक्षात्कार करून घेतल्यामुळे त्यांच्या चैत्यामध्ये अलौकिक शक्ती दिसून येते._

*२)* _देवता आणि मनुष्यावर अनुकंपा करून ज्या भिक्षूंनी निर्वाणाचा साक्षात्कार करून घेतला आहे, त्यांच्या चैत्यामध्ये अलौकिक चमत्कार दिसून येत असतात, त्यामुळे चमत्कार पाहून लोकांत धर्मश्रद्धा कायम रहावी आणि इतर लोकांनीसुद्धा आपल्या मनात श्रद्धा जागवून अधिकाधिक पुण्यकार्य करावे. याप्रमाणे देवतांचे अधिष्टान करून निर्वाणाचा साक्षात्कार करून घेणाऱ्या अर्हतांच्या चैत्यामध्ये अलौकिक चमत्कार दिसून येते._

*३)* _कोणी श्रद्धावान, भक्त, पंडित, समजदार आणि बुद्धिमान पुरुष असो की, स्त्री असो निर्मळ व पवित्रमनाने गंध, माळा, वस्त्र किंवा अन्य दुसऱ्या वस्तू चढवून 'असे होवो' असा संकल्प करून अधिष्ठान करतो. त्यामुळे तसेच घडून येते. याप्रमाणे अधिष्ठान केल्यामुळे निर्वाणाचा साक्षात्कार करून घेणाऱ्या अर्हत भिक्षूंच्या चैत्यांत अलौकिक गोष्टी दिसून येतात._

             _याच तीन अधिष्ठांपैकी कोणते ना कोणते अधिष्ठान करून निर्वाणाचा साक्षात्कार करून घेणाऱ्या अर्हत भिक्षूंच्या चैत्यामध्ये अलौकिकशक्ती येत असते. ज्यांच्या निर्वाणाच्या साक्षात्कारात या अधिष्ठांनांपैकी कोणतेही अधिष्ठान नसेल, तर सहा अभिज्ञाप्राप्त क्षीणाश्रयाच्या पुर्णपणे आपल्या चित्ताला वश करून घेणाऱ्या भिक्षुच्याही चैत्यामध्ये अलौकिक गोष्टी दिसून येत नाही. *अशा जरी अलौकिक गोष्टी त्यांच्या चैत्यात दिसून येत नसल्या तरीपण त्यांच्या पवित्र जीवनाकडे पाहून त्यांच्या चैत्यांची पुजाअर्चा करावयास गेले पाहिजे, ह्या अर्हतांनी निर्वाणाचा साक्षात्कार केला आहे, हे धन्य होत, असे स्मरण करून त्यांच्याप्रती गौरवभाव मनात ठेवला पाहिजे.*_

*संदर्भ :-*

*१)* मिलिंद प्रश्न

*महत्वपूर्ण टीप :* _मुद्दा क्रमांक २ संदर्भात अतिरिक्त माहिती कोणाकडे असल्यास माहिती द्यावी._

*संकलन : महेश कांबळे*

*१४/१०/२०२०*

https://mikamblemahesh.blogspot.com/

🌷🌷🌷🌷🌷🌷🌷🌷🌷🌷🌷