महासागराचे गुण

 🌷🌷🌷🌷🌷🌷🌷🌷🌷🌷🌷

                     महासागराचे गुण

            

           *_महासागराचे आठ गुण भगवंतांनी पुढीलप्रमाणे स्पष्ट केले -_*

*१)* महासागर आणि भगवंतांची शिकवण दोन्ही हळूहळू अधिकाधिक खोल होत जातात.

*२)* सर्व प्रकारच्या परिवर्तनांतही आपल्या व्यक्तिमत्त्वाचे संरक्षण करतात

*३)* मृत शरीरांना बाहेर शुष्क भूमीवर फेकून देतात

*४)* ज्याप्रमाणे विशाल सरिता महासागराला जाऊन मिळाल्यावर आपापल्या नावांना मुकतात व तेव्हापासून पुढे त्या महासागरामध्येच त्यांची गणना होते; तद्वतच सर्व जाती आपापल्या वंशावळी सोडून देऊन संघात प्रवेश करतात, भिक्षु होतात व शाक्यमुनींचे पुत्र म्हणून गणले जातात.

*५)* सर्व प्रवाहांचे महासागर हेच ध्येय असते. तथापि, त्याला कधीच पूर येत नाही, तो कधी रिकामाही होत नाहो. त्याचप्रमाणे धम्माला कोट्यवधी लोकांनी स्वीकारले तरी त्याची वाढ होत नाही किंवा तो कमी होत नाही.

*६)* ज्याप्रमाणे महासागराच्या जलास एकच म्हणजे खारट स्वाद असतो, त्याचप्रमाणे बौद्धधम्माला एकच सुवास आहे; तो म्हणजे उद्धार होय. 

*७)* महासागर आणि धम्म दोघेही रत्न, मोती व अमूल्य जडजवाहीर यांचे भंडार होय.

*८)* दोघेही प्रबळ असून प्राणीमात्रांना निवासस्थानाप्रमाणे आश्रय देतात.

*_बौद्धधम्माची तत्त्वे महासागरासारखी असावयास खालील आश्चर्यकारक गुण कारणीभूत आहेत._*

*१)* धम्माची शिकवण शुद्ध असून ती उच्चकुलीन किंवा हीन कुलीन, श्रीमंत वा दरिद्री असा दुजाभाव करीत नाही.

*२)* धम्माची शिकवण स्वच्छ जलासारखी आहे, जी भेदभाव न करता सर्वांना स्वच्छ करते.

*३)* धम्माची शिकवण त्या अग्निसारखी आहे की, जो स्वर्ग आणि पृथ्वी यांच्या अंतरामध्ये असणाऱ्या लहानमोठ्या सर्व वस्तूंना भस्मसात करतो.

*४)* ती अनेक स्वर्गांसारखी आहे; कारण येथे अमर्याद जागा आहे. सर्वच लोक स्त्री - पुरुष, मुली - मुले, महाप्रबळ व अतिशूद्र अशा सर्वांच्या स्वागताकरिता भरपूर जागा आहे.

*टीप :* _स्वर्ग म्हणजे मनाची अशी अवस्था ज्या ठिकाणी इतरांबद्दल मैत्री, करुणा इत्यादी भावना असते. (इतर मान्यवरांनी ही यावर माहिती द्यावी ही विनंती)_

*संदर्भ :-*

*१)* तथागताची सत्यगाथा

*२)* मिलिंद प्रश्न

*३)* बौद्धधम्म जिज्ञासा

*संकलन : महेश कांबळे*

*१५/१०/२०२०*

https://mikamblemahesh.blogspot.com/

🌷🌷🌷🌷🌷🌷🌷🌷🌷🌷🌷