नियमितपणाचा आणि अनियमितपणाचा परिणाम

 🌼🌼🌼🌼🌼🌼🌼🌼🌼🌼🌼

➖➖➖➖➖➖➖➖➖➖➖

*_नियमितपणाचा आणि अनियमितपणाचा परिणाम_*

  *_(खारादिय जातक आणि तिपल्लत्थमिग जातककथा)_*

➖➖➖➖➖➖➖➖➖➖➖  

                 _एके काळी बोधिसत्त्व मुगकुळामध्ये जन्मला होता तो मृगमायेत अत्यंत निपुण होता, त्यामुळे त्याच्या दोन बहिणींनी आपल्या मुलांना मृगविद्या शिकण्यासाठी त्याच्याकडे पाठविले. पण त्यापैकी *खारादिया नावाच्या बहिणीचा मुलगा* बोधिसत्त्वाने ज्या वेळेत मृगविद्या शिकविण्यास बोलाविले तेव्हा तो त्याच्याकडे गेला नाही, पण *दुसऱ्या बहिणीचा मुलगा तिपल्लथ* मामाने सांगितलेल्या वेळेत जाऊन त्याच्याकडून ती विद्या शिकत असे._

            _खारादियेचा मुलगा मामाने बोलावलेल्या वेळी जंगलात भटकत असे. एके दिवशी पारध्याने लावलेल्या जाळ्यात तो सापडला व मोठ्याने आरडाओरडा करू लागला. त्याच्या आईला ही गोष्ट समजली तेव्हा ती धावत धावत आपल्या भावाकड़े गेली आणि आपल्या मुलाला सोडवण्याची विनंती करू लागली._

         _बोधिसत्त्व म्हणाला, 'खारादिये, तुझ्या मुलाला मी कित्येक वेळा सांगून ही तो माझ्याकडे शिकायला न येता जंगलात भटकत असे. आता तो पारध्यांच्या जाळ्यात सापडल्यावर तेथे जाण्यात काही अर्थ नाही, पारधी त्याला मारणारच आणि मी तिकडे गेलो तर माझा जीव धोक्यात घालण्यासारखा होईल."_

          _खारादिया रडत रडत आपल्या मुलाला पाहायला गेली  पण ती पोहचण्यापूर्वीच पारध्याने त्याला मारून तेथून उचलून नेले होते._

         _काही दिवस लोटल्यावर तिपल्लत्थ जाळ्यात सापडला. तेव्हा त्याची आई बोधिसत्त्वाला त्याला वाचवण्याची विनंती करू लागली. बोधिसत्त्व म्हणाला, "तू मुळीच घाबरू नकोस. तुझा मुलगा माझ्याकडे नियमितपणे येऊन शिकला आहे. तो अशा शंभर जाळ्यातून स्वतःची सुटका करून घेऊ शकतो."_

           _इकडे तो पारधी तेथे येण्यापूर्वी तिपल्लत्थाने आपले पोट फुगवून, डोळे वटारून आणि हातपाय ताणून मेल्याचे सोंग केले. पारधी तिकडे आला आणि तिपल्लत्थाच्या पोटावर दोन टिचक्या मारून व त्याच्या तोंडावाटे निघालेला फेस पाहून स्वतःशीस म्हणाला, "जा जाळ्यात अडकून बराच वेळ झाला असेल, आत्ता याचे मास तयार करण्याला उशीर लागला तर ते खराब होईल. तेव्हा हितेच याचे मांस कापून टोपलीत भरून घेऊन जावे."_

            _असे बोलून तिपल्लत्थाला मोकळे केले आणि आपली सूरी साफ करायला पार्ध्याने घेतले. इतक्यांत तिपल्लत्थ उठून उभा राहिला आणि बाणाच्या वेगाने पळून जाऊन आपल्या आईला भेटला._

➖➖➖➖➖➖➖➖➖➖➖

*संदर्भ : - जातक कथा संग्रह*

*संकलन :- महेश कांबळे*

*३१/१०/२०२०*

https://mikamblemahesh.blogspot.com/?m=1

🌼🌼🌼🌼🌼🌼🌼🌼🌼🌼🌼