बोधिसत्त्व

 🌷🌷🌷🌷🌷🌷🌷🌷🌷🌷🌷

                     *_बोधिसत्त्व_*

            

                _*'बोधी' म्हणजे महान ज्ञान आणि 'सत्त्व' म्हणजे प्राणी. 'बोधिसत्त्व' म्हणजे जो कधी ना कधी निश्चितपणे बुद्ध किंवा महाज्ञानी बनेल असा बुद्धत्व प्राप्तिकरिता प्रयत्नशील माणूस.* बुद्धत्व प्राप्त होण्यापूर्वी सिद्धार्थाला बोधिसत्त्वच म्हणत असत._

                  _बोधिसत्त्वाला सतत दहा जन्मापर्यंत 'बोधिसत्त्व' राहावे लागते. *जन्म म्हणजे मानसिक परिवर्तन* (जन्म म्हणजे कायेचा मृत्यू होऊन पुनः जन्म घेणे नव्हे.)_

           _पहिल्या जन्मी तो *'मुदिता'* प्राप्त करून आपल्या चित्ताची अशुद्धता दूर करतो व प्रमादरहित झाल्यावर त्याच्या मनात सर्व प्राणिमात्रांच्या कल्याणाची उत्कट इच्छा उत्पन्न होते._

            _दुसऱ्या जन्मी *'विमला - भूमी'* अवस्थेला प्राप्त होऊन कामचेतनेपासून मुक्त होतो. तो सर्वांप्रति कारुणीक होतो._

             _तिसऱ्या जन्मी *'प्रभाकारी - भूमी'* प्राप्त झाल्यावर बोधिसत्त्वाची प्रज्ञा दर्पणासारखी स्वच्छ होते. तो अनात्म व अनित्यतेच्या सिद्धांताला पूर्णपणे समजून घेऊन त्यास आत्मसात करतो. उच्च प्रज्ञा प्राप्त करण्यासाठी तो मोठ्यात मोठा त्याग करण्यास सिद्ध होतो._

         _चौथ्या जन्मी तो *'अर्चिष्मती - भूमीला'* प्राप्त करतो. यावेळी त्याचे लक्ष अष्टांगिक मार्गावर केंद्रित होतो._

             _पाचव्या जन्मी तो *'सुदूर्जया - भूमीला'* प्राप्त करून सापेक्ष व  निरपेक्षातील संबंधाला उत्तम प्रकारे आत्मसात करतो._

             _सहाव्या जन्मी *'अभिमुखी - भूमीला'* प्राप्त करून बोधिसत्त्व बारा निदाने आत्मसात करतो. अभिमुखी नावाच्या विद्येमुळे त्याच्या मनात अविद्याग्रस्त प्राण्यांप्रति असीम करुणा निर्माण होते._

            _सातव्या जन्मी बोधिसत्त्व *'दूरङ्गमा - भूमी'* ला प्राप्त करतो. त्याला देशकालाचे बंधन राहत नाही. तो तृष्णामुक्त होतो. तो दानशील, क्षमाशील, कुशल, वीर्यवान, बुद्धिमान आणि प्रज्ञावान होतो._

            _आठव्या जन्मी *'अचल'* होऊन बोधिसत्त्व कृतकृत्य होतो. त्यांच्याकडून अनासायेच कुशल कर्म घडतात व तो प्रत्येक कामात सफल होतो._

           _नवव्या जन्मज *'साधुमती - भूमी'* प्राप्त करून बोधिसत्त्व सर्व धम्म पद्धती, दिशा व काळाच्या सीमांना जिंकून पार करतो._

            _दहाव्या जन्मी बोधिसत्त्व *'धम्म - मेध'* बनतो. त्याला बुद्धाची दिव्य दृष्टी प्राप्त होते._

*संकल्प :-*

*१)* बौद्धधर्म - एक बुद्धिवादी अध्ययन

*२)* बौद्धधम्म जिज्ञासा

*संकलन : महेश कांबळे*

*१२/१०/२०२०*

https://mikamblemahesh.blogspot.com/

🌷🌷🌷🌷🌷🌷🌷🌷🌷🌷🌷