स्वतः करिता व्दीप बनवावे

 🌼🌼🌼🌼🌼🌼🌼🌼🌼🌼🌼

*_स्वतःच्या उद्धाराकरिता द्वीप बांधावे_*

https://mikamblemahesh.blogspot.com/2024/03/blog-post_92.html

*_!! ओम मणी पद्मे हूँ !!_*

🌼🌼🌼🌼🌼🌼🌼🌼🌼🌼

*_उट्ठानेनप्पमादेन सञ्ञमेन दमेन च ।_*

*_दीपं कयिराथ मेधावी यं ओघो नाभिकीरति ॥_*

*_अर्थ - मेधावी पुरूष उद्योग, अप्रमाद, संयम आणि नियंत्रणाने स्वतः करिता असे व्दीप बनवितो ज्याला ओघ बुडवू शकत नाही._*

                 _राजगृहातील वेणुवन विहारात महापन्थक आणि चुल्लपन्थक नावाचे दोन भाऊ भिक्षु होते. महापन्थक भिक्षु होऊन फारच थोड्या दिवसात अर्हत झाला. चुलपन्थक मन्दबुद्धीचा होता. तो एका गाथेस चार महिन्यात सुद्धा कण्ठस्थ करू शकला नाही. म्हणून महापन्थकाने त्याला विहारातुन निघुन जाण्यास सांगितले. दुसऱ्या दिवशी भल्या सकाळी तो विहारातुन निघुन जात असतांना तथागतांनी त्याला थांबवुन उपदेश केला आणि सकाळपासुन दुपार पर्यन्तच विपश्यना करून प्रतिसम्भिदासहित त्याने अर्हतपद प्राप्त केले. सायंकाळी भिक्षु बुद्धांस म्हणाले - "भन्ते ! चुलपन्थक तर चार महिण्यात एक गाथा सद्धा स्मरणात ठेऊ शकला नाही आणि तो आजच काही अवधीतच अर्हत झाला ?" तेव्हा बुद्ध म्हणाले भिक्षुंनो ! उद्योगी पुरूष लोकोत्तर धर्मास प्राप्त करितच असतो. असे म्हणुन त्यांनी हि गाथा सांगितली.

*_मंगल होवो! कल्याण होवो! भले होवो!_*

*_!! ओम मणी पद्मे हूँ !!_*

🌼🌼🌼🌼🌼🌼🌼🌼🌼🌼🌼 

*_संकलन - महेश कांबळे_*

*_दिनांक :-२६/०३/२०२४_*

*_संदर्भ :-_*

_*१) धम्मपद - अप्पमादवग्ग, अट्ठकथा*_

🌼🌼🌼🌼🌼🌼🌼🌼🌼🌼🌼