धर्मोपदेश केल्यानंतर भोजन करू नये

              🌼🌼🌼🌼🌼🌼🌼🌼🌼🌼🌼

*_धर्मोपदेश केल्यानंतर भोजन करू नये_* 

                         *_!! ओम मणी पद्मे हूँ !!_*

                 🌼🌼🌼🌼🌼🌼🌼🌼🌼🌼🌼

                  _"भंते नागसेन, *भगवंतानी सांगितले आहे की, आधी धर्मोपदेश करून तेथे भोजन करू नये.* 'हे ब्राह्मण, ज्ञानी लोक असे कधी नाही. *धर्मोपदेशांच्या मोबदल्यात काही घ्यावयास भगवान बुद्ध कधी आपले सहमत देत नाहीत.* हे ब्राह्मण धर्मानुसार आचरण करणाराचे असेच असते.' तथापि लोकांना धर्मोपदेश करीत असता सर्वप्रथम भूमिकेचा विस्तार करताता भगवान बुद्ध दानाचीच खूप प्रशंसा करीत असतात. त्यानंतरच शीलाविषयी काही उपदेश करतात. सर्व लोकेश्वर त्या भगवंताच्या उपदेशाने प्रभावित झालेले देवता आणि मनुष्य सर्वच खूप दान देतात. तेव्हा त्यांनी आणिलेले दान सर्व भिक्षू आनंदाने ग्रहण करतात._

           _"भंते *'धर्मोपदेश करून भोजन करू नये.' ह्या भगवंताच्या वचनात जर यथार्थ सत्य असेल, तर 'धर्मोपदेश करीत असता भगवंत सर्वप्रथम दानाची प्रशंसा करीत होते.' असे म्हणणे संयुक्तिक वाटत नाही. आणि जर 'धर्मोपदेशाची सुरवात सर्वप्रथम भगवंत दानाच्या प्रशंसेने करीत असतील तर धर्मोपदेश करून तेथे भोजन घेऊ नये, असे ते कधीच म्हणू शकत नाही. ते का, तर भंते, जो दानास खरोखरच पात्र आहे, तो जर श्रद्धावान गृहस्थासमोर दानाची प्रशंसा करू लागला तर ते आणखी अधिक दान देणारच. आणि ते दान जो ग्रहण करील ते त्या धर्मोपेशाचाच मोबदला ठरल्यावाचून कसे राहील? हा गुंतागुतीचाच प्रश्न आहे. कृपाकरून स्पष्ट करून सांगावे."_

           _"महाराज, *'धर्मोपदेश करून भोजन स्वीकारू नये का की, ज्ञानी लोक ते उचित मानीत नाहीत. धर्मोपदेश करावयाच्या मोबदल्यात काही घेण्याकरीता बुद्ध कधी संमती देत नाहीत. हे ब्राह्मण, धर्म विनयानुसार आचरण करणारे असेच वागतात.' असे भगवंत म्हणाले ते सत्य आहे. आणि हे सुद्धा सत्य आहे की, भगवंत उपदेश सुरु करीत असता सर्वप्रथम दानाची प्रशंसा करीत होते. असे करून ते प्रथम त्यांच्या चित्ताला प्रभावीत करीत असत व नंतरच शील पालनाचा उपदेश करीत असत. ही सर्व बुद्धापासून चालत आलेली परंपरा आहे.*_

            _"महाराज, लहान मुलास सर्वप्रथम एखादी बाहुली, विटी दांडू, बाबागाडी, चक्री, पेला, धनुष्य इ. खेळावयास देतात आणि इच्छेनुसार त्याजकडून कार्य करवून घेतात. *महाराज, याप्रमाणे सर्वप्रथम भगवान बुद्ध दानाची प्रशंसा करून श्रोत्यांचे चित्त आकर्षित करून घेऊन नंतरच शील पालन करावयाचा उपदेश देत असतात.*_

*_मंगल होवो! कल्याण होवो! भले होवो!_*

*_!! ओम मणी पद्मे हूँ !!_*

🌼🌼🌼🌼🌼🌼🌼🌼🌼🌼🌼

*_संकलन - महेश कांबळे_*

*_दिनांक :- २०/१२/२०२३_*

*_संदर्भ :-_*

*_१) मिलिन्द प्रश्न_*

https://mikamblemahesh.blogspot.com/2023/12/blog-post_20.html

🌼🌼🌼🌼🌼🌼🌼🌼🌼🌼🌼