कर्माची प्रधानता

🌼🌼🌼🌼🌼🌼🌼🌼🌼🌼🌼

*_कर्माची प्रधानता_*

*_!! ओम मणी पद्मे हूँ !!_*

🌼🌼🌼🌼🌼🌼🌼🌼🌼🌼🌼

_राजा म्हणाला, "भंते, डोळे, कान, नाक, जीभ व त्त्वचा ही पाच आयतने निरनिराळ्या कर्म फळामुळे उत्पन्न झालीत की, एकाच कर्मफळामुळे उत्पन्न झालीत?”_

*_"महाराज, अनेक कर्मफळामुळे झालीत, एका कर्मफळामुळे नव्हे."_*

*_“महाराज, समजा एखाद्या शेतामध्ये पाच प्रकारचे बीज पेरले, तर त्या विविध बीजांची फळे देखील विविध प्रकारची नाही का होणार ?"_*

_"होय भंते, विविध प्रकारच्या बीजांची फळे देखील विविध प्रकारचीच होतील. "_

*_“महाराज, याप्रमाणेच या पाच आयतनांची उत्पत्ती म्हणजे वेगवेगळ्या कर्माची फळे आहेत, एकाचीच नाहीत."_"

*_कर्माची प्रधानता_*

_राजा म्हणाला, *“भंते, सर्व मनुष्य सारखेच का होत नाहीत ? कोणी अल्पायुषी तर दीर्घायुषी; कोणी आजारी आहेत तर कोणी एकदम आरोग्यसंपन्न; कोणी कुरुप तर कोणी फारच सुंदर; कोणी एकदम प्रभावहीन तर कोणी अत्यंत प्रभावशाली; कोणी दरिद्री तर कोणी खूप श्रीमंत; कोणी हलक्या जातीत जन्मले तर कोणी उच्च कुळात जन्मलेले; कोणी मूर्ख तर कोणी अतिशय हुशार, असे का व्हावे ?"*_

_स्थविर म्हणाले, “सर्वच वनस्पती एकसारख्या नाहीत, असे का ? काही आंबट, काही खारट, काही तिखट, काही कडू, काही तुरट आणि काही तर अत्यंत गोड असतात, असे का बर व्हावे ?"_

_“भंते, बीजात भिन्नत्व असल्यामुळेच या वनस्पतींच्या चवीत भिन्नत्व दिसून येत असले पाहिजे, असा माझा अंदाज आहे."_

_*“महाराज, बरोबर. तुम्ही सांगितल्याप्रमाणे मनुष्यमात्राचे आपापले कर्म वेगवेगळे असल्याकारणानेच ते सर्व एकसारखे नाहीत. कोणी अल्पायुषी तर कोणी दीर्घायुषी.... असे पहाण्यात येतात. महाराज, खुद्द भगवान बुद्धानेच म्हटले आहे की, हे मानव जीव सर्वच आपल्या कर्माचीच फळे भोगत असतात. सर्व जीव आपल्या कर्मफळाचे स्वतः मालक आहेत. आपल्या कर्मफळानुसारच भिन्न भिन्न योनीत जन्मास येतात. कर्म हेच खरे नातेवाईक व कर्म हेच आश्रयस्थानआहेत. कर्मामुळेच मनुष्य- मात्राची अशी विभागणी झाली आहे."*_

_*"भंते, आपण बरोबर सांगितले."*_

*_मंगल होवो! कल्याण होवो! भले होवो!_*

*_!! ओम मणी पद्मे हूँ !!_*

🌼🌼🌼🌼🌼🌼🌼🌼🌼🌼🌼

*_संकलन - महेश कांबळे_*

*_दिनांक :- १७/१२/२०२३_*

*_संदर्भ :-_*

*_१) मिलिन्द प्रश्न, खंड ३ प्रकरण पाहिले (ख) विमतिच्छेदन प्रश्न_*

https://mikamblemahesh.blogspot.com/2023/12/blog-post_17.html

🌼🌼🌼🌼🌼🌼🌼🌼🌼🌼🌼