समता सैनिक दल

🌼🌼🌼🌼🌼🌼🌼🌼🌼🌼🌼

*_!! समता सैनिक दल !!_* 

*_!! ओम मणी पद्मे हूँ !!_*

🌼🌼🌼🌼🌼🌼🌼🌼🌼🌼🌼

           _महाड येथील माहे *मार्च व माहे डिसेंबर १९२७ मधील दोन्ही ऐतिहासिक परिषद यशस्वी करण्यामध्ये "महार समाज सेवा संघाचा" सक्रीय सहभाग राहिला आहे.*_

        *_या परिषदेची नीट व्यवस्था ठेवण्यासाठी संरक्षणात्मक स्वयंसेवकांची मजबुत फळी उभारण्याच्या हेतूने कॉम्रेड रामचंद्र बाबाजी मोरे यांच्या पुढाकाराने सेंट जॉर्ज हॉस्पीटल, परेल मुंबई येथे स्वयंसेवकांची पथके उभारण्यात आली._*

*_या स्वयंसेवक पथकाना "डॉ. आंबेडकर सेवा दल" असे नाव देण्यात आले. पुढे बाबासाहेबांच्या अनुज्ञेने दलाचे नांव बदलून त्याला "समता सैनिक दल” असे संबोधण्यात आले._*

              *_या दलाचे पहिले जी.ओ.सी. महार समाज सेवा संघाचे तरुण तडफदार कार्यकर्ते श्री. शंकर लक्ष्मण वडवलकर होते. आणि सखाराम भिकाजी लोटेकर, अर्जुन गोपाळ जातेकर हे प्रमुख संघटक व पुण्याचे उद्धव लक्ष्मण करंदीकर (पंच प्रमुख) हे सेक्रेटरी होते._*

             _संघाने मुंबईत परिषदेचा जोरदार प्रचार केला आणि त्यानंतर *कोकणातील प्रचारासाठी कार्यकर्त्यांची दोन तुकड्यांमध्ये विभागणी केली. त्याप्रमाणे संघाचे दोन प्रमुख कार्यकर्ते श्री. केशव गोविंद आड्रेकर, श्री. रामचंद्र बाबाजी मोरे (कॉम्रेड आर.बी. मोरे) यांनी माहे डिसेंबर १९२६ पासून रत्नागिरी, दाभोळ, दापोली, माणगांव, महाड, रोहा, पेण इत्यादी ठिकाणांसह कोकणात प्रचाराचे कार्य केले.*_

               _परिषदेच्या प्रचारकार्यासाठी *दुसऱ्या तुकडीत सहभागी असलेले सर्वश्री शिवराम गोपाळ जाधव, पांडुरंग बाबाजी मांडलेकर, चांगदेव नारायण मोहिते, गोविंद रामजी आड्रेकर, पांडुरंग महादेव साळवे, शंकर लक्ष्मण वडवलकर, जनार्दन भागाजी गमरे, राघोराम गोयलकर, तानाजी महादेव गुडेकर, गणपतराव केंबुर्लीकर, बाळू वामनेकर, सुदाम केंबुर्लीकर, तुकाराम वरघरकर यांनी कोकण प्रांतात प्रभावीपणे प्रचार केला.*_

           _*संघाचे नेते व परिषदेचे स्वागताध्यक्ष श्री. संभाजी तुकाराम गायकवाड, शिवराम गोपाळ जाधव, गोविंद रामजी आडरेकर हे परिषदेच्या पुर्वतयारीसाठी दोन महिने आधी महाड येथे तळ ठोकून बसले होते.* तसेच *महाड सत्याग्रह परिषद यशस्वी करण्यासाठी सुभेदार विश्राम गंगाराम सवादकर यांनी अत्यंत मोलाची कामगिरी पार पाडली.*_

*_मंगल होवो! कल्याण होवो! भले होवो!_*

*_!! ओम मणी पद्मे हूँ !!_*

*_टीप :-_*

*_१) ज्यांना हे पुस्तक हवे आहे त्यांनी बोद्धजन पंचायत समिती, भोईवाडा, परेल , मुंबई येथील कार्यालयाशी, तसेच संपर्क करावा_*

*_२) हे बाबासाहेबांचे सोबती कोकणातील ज्या - ज्या गावातील असतील त्यांनी कृपया कमेंट करावी जेणेकरून आजच्या पिढीला निदान त्यांच्या गावाची माहिती मिळेल_*

🌼🌼🌼🌼🌼🌼🌼🌼🌼🌼🌼

*_संकलन - महेश कांबळे_*

*_दिनांक :- १९/११/२०२३_*

*_संदर्भ :-_*

*_समाजक्रांतीचे अपत्य बोद्धजन पंचायत समिती लेखक - वि. ल. मोहिते_*

https://mikamblemahesh.blogspot.com/2023/11/blog-post_19.html

🌼🌼🌼🌼🌼🌼🌼🌼🌼🌼🌼