इक्कयु आणि लाकडी बुद्ध रूप

 🌺🌺🌺🌺🌺🌺🌺🌺🌺🌺

             *इक्कयु आणि लाकडी बुद्ध रूप !*

                       *_ओम मणी पद्मे हुं_*

🌺🌺🌺🌺🌺🌺🌺🌺🌺🌺

          _*१४ व्या शतकात इक्कयु नावाचे एक विद्वान झेन भिक्खू होवून गेले. ते कवितेतून बुद्धविचार ते सादर करीत.* एकदा प्रवासात ते एका दुर्गम विहारात थांबले. बाहेर कडाक्याची थंडी होती, बर्फ पडत होता. विहारात असलेल्या एकमेव भिक्खूंनी इक्कयुला झोपण्यासाठी एक घोंगडी दिली. मध्यरात्री खूपच थंडी पडल्याने इक्कयुना जाग आली. हाडे गारठून टाकणाऱ्या थंडीत त्यांनी ऊब मिळवण्यासाठी आजूबाजूला पाहिले. परंतु *विहारात तीन लाकडी बुद्धरूपांशिवाय काहीही नव्हते. मग इक्कयुने एक लाकडी मूर्ती उचलली आणि आग पेटवून त्या मूर्तीच्या आगीत ते हातपाय शेकू लागले.*_ 

          _आगीचा प्रकाश व धूर यांमुळे विहारातील भिक्खू जागे झाले. *अर्धवट जळालेली बुद्ध मूर्ती पाहून त्यांचा राग अनावर झाला. ते इक्कयुला म्हणाले , “तुला काय अक्कल आहे का ? चक्क बुद्धमूर्ती जाळून ऊब निर्माण करतोस ? धम्माबद्दल तुला काहीच आस्था नाही का ?”*_

_*इक्कयु हसून म्हणाले, “माझ्यातील जिवंत बोधीचित्ताला जिवंत ठेवण्यासाठी निर्जीव बुद्धमूर्तीचा बळी द्यायचा की निर्जीव बुद्धमूर्तीचा आदर करण्यापोटी जिवंत बोधीचित्ताचा बळी द्यायचा हा प्रश्न माझ्या समोर होता. पण शेवटी बुद्ध जिंकले !”*_ 

_भिक्खू म्हणाले, *“बुद्ध मूर्ती जाळून बुद्ध जिंकले म्हणतोस ?”* इक्कयु म्हणाले, *“कोणत्याही परिस्थितीत बोधीचित्त नेहमीच जागृत ठेवणे, पराकष्टाने सांभाळून ठेवणे हेच सांगितले ना बुद्धांनी ?”*_ 

    *_असे म्हणत इक्कयु राखेत काहीतरी शोधायला लागले. हे पाहून भिक्खू म्हणाला, “आता काय शोधतोस राखेत ?” इक्कयू म्हणाले, “बुद्धांच्या अस्थी !”_*

_भिक्खू हसायला लागले आणि म्हणाला, “खरंच, तू मूर्ख दिसतोस ! *अरे, लाकडी मूर्तीत अस्थी कुठून येणार ?”*_

*_इक्कायू म्हणाले, “लाकडी मूर्तीत अस्थी नसतात याचा अर्थ , लाकडी बुद्ध मूर्तीत बुद्ध नसतात ! बरे झाले हे तुम्हीच कबूल करताय , भन्ते ! हे बघा , तुम्हाला अजुन खूप शिकायचे आहे. बुद्ध रूप केवळ एक रूपक आहे , बुध्दत्त्वाचे ! त्याच्यात आम्हीं आम्हांला हवे असलेले बुद्धगुण पाहत असतो, मात्र बुद्ध तुमच्या विचारात असायला हवेत, तुमच्या आचरणात असायला हवेत.” पुढे भिक्खू आणि विहारात सर्वत्र पाहत, इक्कायु म्हणाला, “मागील शेकडो वर्षात बुद्धांना मारण्याचे, गाडून टाकण्याचे, नष्ट करण्याचे अनेकवार प्रयत्न झाले. पण बुद्ध संपू शकत नाहीत, कारण आजही ते तुमच्या- माझ्या विचारातून जिवंत आहेत !"_*

https://mikamblemahesh.blogspot.com/2023/11/blog-post_15.html

🌺🌺🌺🌺🌺🌺🌺🌺🌺🌺