अंधश्रद्धा: प्रश्नचिन्ह आणि पूर्णविराम - प्रश्न ३४

 *_प्रश्न ३४- दैवी शक्ती अंगात खेळण्याचा काळ व भुताने झपाटण्याचा काळ अमावास्या पौर्णिमेलाच घडतो, हे कसे?_*

 

 *उत्तर*    येरवडा मेंटल हॉस्पिटलमध्ये काही हजार मनोरुग्णांच्या गेली अनेक वर्षे केलेल्या पाहणीमध्ये असे काहीही आढळून आलेले नाही किंवा अन्यत्र कोठेही पाहणीत असा निष्कर्ष निघालेला नाही.अंगात येणाऱ्या व्यक्ती दुसऱ्याच्या कलाने चालणाऱ्या असतात. अशा व्यक्ती पटकन सूचना स्वीकारतात. आजूबाजूच्या लोकांचा अमावास्या-पौर्णिमेला अंगात येते. हा पूर्वापार चालत आलेला पूर्वग्रह असतो. असे लोक सूचना देतात, "बघ, उद्या अमावास्या, हिच्या अंगात येणार", आणि दुसऱ्या दिवशी बाईच्या अंगात येते. अंगात येणारे मांत्रिक, देवऋषी हे अमावास्या पौर्णिमेलाच अंगात आणतात. त्यांचे अंगात येणे ढोंग असते. असे मांत्रिक मनोरुग्ण व्यक्तीला भूत लावतात व त्याचे भूत काढतोच असेही सांगतात. मांत्रिकाच्या सूचना मनोरुग्णांनी स्वीकारलेल्या असतात.आपणास भूत लागले असा त्यांचाही समज होतो. मांत्रिकांना त्या दिवशी उपचारासाठी येणाऱ्या मनोरुग्णांना मांत्रिक सूचना देऊन त्यांच्या अंगात आणतात व काही वेळा मनोरुग्णांनी स्वत:च ती सूचना आधी स्वीकारलेली असते आणि अमस्वास्या-पौर्णिमेला ते घुमू लागतात

 

*डॉ. नरेंद्र दाभोलकर व प्रा. प. रा. आर्डे*

*यांनी लिहिलेल्या 'अंधश्रद्धा: प्रश्नचिन्ह आणि पूर्णविराम' या पुस्तकातून साभार*

https://mikamblemahesh.blogspot.com/