निसर्गसौंदर्य

➖➖➖➖➖➖➖➖➖➖➖ *झेन कथा: निसर्गसौंदर्य* ➖➖➖➖➖➖➖➖➖➖➖ _*जपानी संस्कृतीतल्या १३व्या शतकात जपानी बौद्ध धर्मगुरू मुजु यांनी सांगितलेल्या झेन कथा रोजच्या जीवनाकडे पाहण्याचा दृष्टीकोन बदलून टाकण्याची ताकद देतात. या गोष्टींना तात्पर्य नसते. अत्यंत हलक्या फुलक्या आणि समजायला सोप्या असणार्या या कथांतून आपण काय व कश्याप्रकारे घेतो हे आपल्यावर निर्भय आहे. अशीच एक झेन कथा.:-*_ _झाडांची, फुलांची, बागेची आवड असणाऱ्या एका पुजाऱ्याला एका मोठ्या मंदिराचा पुजारी म्हणून नेमलं जाते. त्या मंदिराच्या बाजूलाच एक छोटासा बौध मठ होता, ज्याची देखभाल एक म्हातारा बोधिसत्व करत होता._ _एके दिवशी मंदिरात खूप पाहूणे येणार असतात तेव्हा पुजारी बागेची खूप स्वच्छता करतो. पालापाचोळा साफ करतो, सुकलेल्या फांद्या छाटतो, तण वगैरे उपटून टाकतो. त्याच्या कामाकडे भिंतीपलीकडून बोधिसत्व मन लावून पाहत असतो. काम संपल्यावर पुजारी बोधीसत्वाजवळ जाऊन विचारतो, “सुंदर दिसतेय ना बाग आता?”_ _बोधिसत्व म्हणाला, “हो पण यात काहीतरी कमतरता आहे. मला जरा हि भिंत चढायला मदत करतोस का?”_ _पुजारी त्याला वर ओढून अलीकडे घेतो. बोधिसत्व हळूहळू चालत बागेतल्या मध्यभागी असलेल्या झाडाजवळ जातो आणि त्याच्या बुंध्याला धरून हलवतो. झाड हलताच पानांचा सडा सर्वत्र पसरतो. तेव्हा बोधिसत्व म्हणतो, “आता ठीक आहे, मला पलीकडे उतरव.”_ ➖➖➖➖➖➖➖➖➖➖➖ *संदर्भ: - झेनकथा* *संकलन :- महेश कांबळे* *३०/१२/२०२०* https://mikamblemahesh.blogspot.com/?m=1 ➖➖➖➖➖➖➖➖➖➖➖