🌷🌷🌷🌷🌷🌷🌷🌷🌷🌷🌷
*_तेजस्वी आभा_*
_*भगवान बुद्धांच्या शरीरातून तेजस्वी आभा (शरीर रश्मी) प्रकट होत असल्याविषयीच्या उल्लेख झालेला आढळतो.* भगवान बुद्धांच्या पावित्र्याच्या सामार्थ्यामुळे त्यांच्या शरीरातून तेजस्वी आभा प्रकट होत असे. आजही आपल्यास कधी-कधी तेजस्वी चेहरे पाहावयास मिळतात. *त्यांस 'बुद्धरश्मी', बुद्धांची प्रकाशकिरणे असे म्हटले जाते.*_
_*त्यात सहा रंग जोडीने दिसायचे. निलवर्ण, पितवर्ण, लोहितवर्ण, अवदतवर्ण, मंगस्तवर्ण, प्रभस्ववर्ण. सर्वच अर्हतांची आभा तेजस्वी असे.* ज्या व्यक्तीचा आध्यात्मिक विकास अधिक असेल, तिची आभाही तशीच तेजस्वी असायची. त्यास इतर धर्मीय तेजोवलय म्हणतात व युरोपियन लोक मानवी प्रभावलय म्हणतात. ख्रिश्चन चित्रकारांनी काढलेल्या श्रेष्ठ आणि पवित्र अशा व्यक्तींच्या सर्वच चित्रांमध्ये प्रभावलयाचा प्रकाश दाखविलेला आहे._
_जेथे जेथे भगवान बुद्धांची रंगीत चित्रे काढलेली आहेत, त्या सर्वच विहारात आपणांस हे रंग पाहावयास सापडतात. *प्रथम सिलोनमध्ये बनविलेल्या आणि नंतर सर्वच बौद्ध देशांनी मोठ्या प्रमाणात स्वीकारलेल्या बौद्ध धम्माच्या ध्वजांच्या पट्ट्यांमध्ये सुद्धा ते रंग पाहावयास मिळतात.*_
_*महापरिनिर्वाण सूत्रात* भगवान बुद्धांच्या महापरिनिर्वाण समयी त्यांचा शिष्य आयुष्यमान आनंद ह्याने आपल्या गुरूच्या शरीरातून अत्यंत तेजस्वी आभा फाकली असल्याचे पाहून त्याबद्दल विचारले असतात भगवान बुद्ध म्हणाले, दोन प्रसंगी ते अलौकिक तेज प्रकट होत असते. प्रथमतः तथागताने सम्यक संबोधीची दिव्यदृष्टी प्राप्त झाल्यानंतर आणि दुसर्यांदा त्यांच्या महापरिनिर्वाणाच्या रात्री. सुमेध आणि दिपांकार बुद्धांच्या कथेत जातक कथा ह्या ग्रंथांच्या निदानकथांमध्ये ह्याविषयी आढळते._
_*प्रभावलयाचे अस्तित्व विज्ञानाच्या प्रयोगाद्वारे सिद्ध झाले आहे. बरोन व्हॅन रिचेनबॉक The Baron Von Reichenbach ह्या शास्त्रज्ञाने केलेल्या प्रयोगाचे सविस्तरपणे केलेले वर्णन त्यांच्या संशोधन पुस्तिकेमध्ये आलेले असून त्याचा आढावा इ. स. १८४४-४५ मध्ये प्रसिद्ध करण्यात आलेला होता. डॉ. बोराडूक Dr. Boraduc ह्या पॅरिसमध्ये राहणाऱ्या शास्त्रज्ञाने इ.स. १८९० च्या सुमारास प्रभावलयाचे हुबेहूब छायाचित्र घेतले होते. प्रभावलय ही एक नैसर्गिक गोष्ट आहे. असे सिद्ध झालेले आहे की, सर्व मानवी प्राणिमात्रात नव्हेत तर गुरेढोरे, वृक्ष, रोपटी आणि दगडामध्येसुद्धा प्रभावलय दिसून येते. ते अत्यंत सूक्ष्म असते.*_
_*इतर प्राणिमात्र व वस्तू ह्यांच्या प्रभावलयापेक्षा भगवान बुद्धांचे किंवा कुणा अर्हतांचे प्रभावलय अत्यंत तेजस्वी आणि अधिक प्रमाणात पसरलेले असते. त्यांनी प्राप्त केलेल्या इद्धीच्या सामर्थ्याची आणि त्यांच्या श्रेष्ठ नैतिक विकासांची ती साक्ष होय.*_
_*ख्रिश्चन चित्रकारांनी काढलेल्या श्रेष्ठ आणि पवित्र अशा व्यक्तींच्या सर्वच चित्रांमध्ये प्रभावलयाचा प्रकाश दाखविलेला आहे. तीच श्रद्धा इतर धर्मामध्येही अस्तित्वात असलेली आढळते.*_
*संदर्भ :-*
*१)* Buddhist Catechism (बौद्ध प्रश्नोत्तरी)
*२)* बौद्धधम्म जिज्ञासा
*संकलन : महेश कांबळे*
*०८/१०/२०२०*
🌷🌷🌷🌷🌷🌷🌷🌷🌷🌷🌷
No comments:
Post a Comment