🌼🌼🌼🌼🌼🌼🌼🌼🌼🌼🌼
*_दुष्ट मनुष्य_*
एका चारिकेत आपल्या नेहमीच्या रिवाजाप्रमाणे भगवंतांनी आपल्या सहचारी भिक्खुंना खालीलप्रमाणे प्रवचन दिले.
*_'भिक्खुंनो, दुष्ट मनुष्य कसा ओळखावयाचा हे तुम्हास माहीत आहे काय?' भिक्खुंनी 'नाही', म्हणताच बोलले,_*
*_तर मग मीच तुम्हांला दुष्ट माणसाची लक्षणे सांगतो_*
*_दुष्ट मनुष्य न विचारताच दुसर्याचे दोष दाखवितो आणि त्याला दुसऱ्याबद्दल विचारले तर मग बघायलाच नको. तेव्हा तर तो दुसऱ्याचे दोष किंवा व्यंगे न लपवता रसाळपणे तपशीलवार सांगू लागतो._*
*_जो मनुष्य विचारले असता दुसऱ्याचे सद्गुण दाखवीत नाही, पुन्हा पुन्हा विचारल्यावरच तो दुसऱ्याचे गुण सांगतो._*
*_जो मनुष्य विचारले असतानाही आपले दोष उघड करीत नाही, मग न विचारता तर बोलायलाच नको. वारंवार विचारले तरच तो आपले दोष दाखवितो. परंतु त्याचा तपशील लपवितो असा मनुष्य दुष्ट मनुष्य होय._*
*_भिक्खूहो, असाही मनुष्य असतो की, जो विचारले नाही तरी आपल्या चांगल्या गोष्टी उघड करीत असतो. विचारल्यावर तर सांगायलाच नको. तो अगदी सर्व तपशील देऊन आपल्या गुणांचे भरमसाठ वर्णन करीत असतो. भिक्खुंनो, असा मनुष्य दुष्ट समजावा._*
*संदर्भ: बुद्ध आणि त्यांचा धम्म*
*संकलन : महेश कांबळे*
🌼🌼🌼🌼🌼🌼🌼🌼🌼🌼🌼
No comments:
Post a Comment