🌹 *बुद्ध धम्मातील विशिष्ट भिक्खु-भिक्षुनी-उपासक-उपासिका* 🌹
           
                           *अनुला*
         
               *अनुला ही श्रीलंकेची राणी होती. तिला महाथेरो महेंद्र यांनी धर्माची शिकवण दिली.* आपल्या पाचशे दासींसोबत ती भिक्खुंच्या दर्शनास जात असे व अत्यंत श्रद्धाभावाने धम्मश्रवण करीत असे. *_त्यांना "विमानवत्थु" आणि "सच्चसंयुक्त" यांतील मर्म समजले तेव्हा त्यांना श्रोतापत्ती अवस्था प्राप्त झाली. महाथेरी संघमित्रेकडून प्रव्रज्या ग्रहण करून अनुलेने धम्माची बरीच सेवा केली._*


                      *राज्यश्री*

          *राज्यश्री सम्राट हर्षवर्धनाची बहीण होती. तिचे लग्न राजा अवन्तीवर्मा याचा पुत्र गृहवर्मा यांचेशी झाले.* हर्षवर्धनाचा कल शिवभक्तीकडे असूनही राजश्रीला भगवंतांच्या धम्माची ओढ होती. माळव्याच्या राजाने गृहवर्म्याचा खून केला व राज्यश्रीला प्रणयाची याचना केली व तिने झिडकारल्यामुळे तिला बंदीगृहात टाकले. पुढे हर्षवर्धनाने त्याचा बिमोड करून तिची सुटका केली. *_श्रेष्ठ दानशीला राज्यश्रीने राजमहाल सोडून काषाय वस्त्र ग्रहण केले व धर्माच्या प्रचारास स्वतःस वाहून घेतले तिच्यामुळे हर्षवर्धनाने देखील बौद्ध धम्माचा स्वीकार केला._*

*संकलन -*  *महेश कांबळे*