चित्ताचे दमन सुखदायक आहे

 🌼🌼🌼🌼🌼🌼🌼🌼🌼🌼

*_चित्ताचे दमन सुखदायक आहे_*

https://mikamblemahesh.blogspot.com/2024/04/35.html

*_!! ॐ मणी पद्मे हूँ !!_*

🌼🌼🌼🌼🌼🌼🌼🌼🌼🌼

*_दुन्निग्गहस्स लहुनो यत्थकाम-निपातिनो ।_* 

*_चित्तस्स दमथो साधु चित्तं दन्तं सुखावहं ॥_* 

*_अर्थ - ज्याचा निग्रह करणे फार कठीण आहे. जे फार चपळ आहे, जेथे वाटेल तेथे झटकन जाते अशा चित्ताचे दमन करणे फार उत्तम आहे. कारण दमन केलेले चित्त फार सुखदायक असते._*

             _कोशल देशात पर्वताच्या पायथ्याशी मातिगाम नावाचे एक गाव होते. *तेथे एका उपासिकेने चार प्रतिसम्पदा आणि पाच अभिज्ञेसह अनागामी फळ प्राप्त केले.* जे भिक्षु तिच्याकडे रहात होते, ती सर्वांच्या चित्ताला जाणून त्यांच्या भोजनादिची व्यवस्था करीत होती. एक भिक्षु तीची प्रशंसा ऐकून तेथे गेला आणि काही दिवसातच परत आला. तथागतांनी विचारले - "हे भिक्षु ! तू त्या ठिकाणी थांबला का नाही?" होय भन्ते ! त्या ठिकाणी थांबणे कठीण आहे. ती उपासिका मनात येणारा विचार पूर्वीच जाणते. निवाश्यांचे विचार चांगलेही असू शकतात आणि वाइट ही. वाईट विचार येताच मुद्देमालासह चोरास पकडून द्यावे तसा ती निग्रह करील. मी तेथे थांबू शकत नाही."_

                _तेव्हा तथागतांनी त्या भिक्षुस पुन्हा तेथेच जाण्यास सांगितले पण तो जाण्यास राजी झाला नाही. हे लक्षात येताच तथागत म्हणाले *"भिक्षु ! जर तू तेथे जात नाहीस तर, स्वतःच्या चित्ताचे रक्षण कर त्यांचा निग्रह कर."* त्यानंतर त्यांनी ही गाथा म्हटली._

*_मंगल होवो! कल्याण होवो! भले होवो!_*

*_!!ॐ मणी पद्मे हूँ !!_*

🌼🌼🌼🌼🌼🌼🌼🌼🌼🌼🌼 

*_संकलन - महेश कांबळे_*

*_दिनांक :- १३/०४/२०२४_*

*_संदर्भ :-_*

_*१) धम्मपद - चित्तवग्गो*_

_*२) धम्मपद - गाथा आणि त्यांच्या अट्ठकथा*_

🌼🌼🌼🌼🌼🌼🌼🌼🌼🌼🌼