शब्द माझा परंतु अर्थ तुमचा

 🌼🌼🌼🌼🌼🌼🌼🌼🌼🌼🌼

       *_शब्द माझा परंतु अर्थ तुमचा_*

🌼🌼🌼🌼🌼🌼🌼🌼🌼🌼🌼

                  _एकदा एका रात्री तथागत आपल्या भिक्षूंना उपदेश देत होते. त्यात *एक चोर व गणिका* त्यांचा उपदेश ऐकण्यासाठी बसले होते. जेव्हा तथागत रात्री उपदेश देत असत तेव्हा शेवटी म्हणत, *भिक्षु हो! आत्ता जा, रात्रीचे काम पूर्ण करण्याची वेळ आली आहे. तुम्ही जा, रात्रीचे काम पूर्ण करा."*_

           _रात्रीचे काम होते ध्यानाला बसणे सर्व जग जेव्हा झोपेल तेव्हा तुम्ही जागे रहा. सर्व जगाचा हल्लाकल्लोळ बंद होईल तेव्हा तुम्ही शांततेत लीन व्हा. सर्व तऱ्हेचा गोंधळ शांत झाल्यावर त्या मौल्यवान वेळेचा सदुपयोग करा!_

              _अर्ध्या रात्री खेरीज ध्यानाला दुसरी योग्य वेळ नाही. रोज रोज तेच सांगायचे की ध्यान करा, म्हणून भगवान म्हणाले, 'आत्ता जा रात्रीचे काम पूर्ण करा.'_

             _जेव्हा भगवान असे म्हणाले, तेव्हा तो *चोर* चमकला, मनात म्हणाला, भगवान म्हणतात ते योग्यच आहे. जवळजवळ अर्धीरात्र झाली आहे. आपल्या कामाला लागावे, लोक झोपले असतील हीच योग्य वेळ आहे. *गणिका* म्हणाली, 'धन्य आहे! कसे इतक्या लोकांत बुद्धांनी मला ओळखले आणि आठवण करून दिली. चला कामाला सुरुवात करावी.'_

                  _दुसऱ्या दिवशी सकाळी भगवान म्हणाले, "रात्री येथे एक चोर आणि गणिका माझा उपदेश ऐकण्यासाठी आले होते. भिक्षूंनो! तुम्ही ध्यान करण्याकरिता निघून गेलात, *चोर चोरीसाठी गेला आणि गणिका आपल्या कामासाठी निघून गेली.* सगळे असे समजून निघून गेलात की मी जणू काही तुम्हांला हवे तेच सांगितले होते._

                 _*"तुम्ही तर तेच ऐकता जे तुम्हाला अभिप्रेत आहे. तुम्ही ऐकणार तर तुमचेच शब्द ना! शब्द माझे असले तरी अर्थ तुमचा असतो. अर्थ माझा असूच शकत नाही. शब्द माझ्या मुखाद्वारे निघून तुमच्या कानात ध्वनी निर्माण करतात. अर्थ तर माझ्या प्राणातून निघून माझ्या प्राणातच राहतो. पुन्हा तो शब्द गुंजरावत तुमच्या हृदयात जातो. तुमच्या हृदयात तुमच्या धारनेनुसार त्याला अर्थ दिला जातो. शब्द माझे परंतु अर्थ तुमचा असतो.*_

🌼🌼🌼🌼🌼🌼🌼🌼🌼🌼🌼

*संदर्भ : नमो तस्स* *लेखक पी बी पिसाळ*          

*संकलन : महेश कांबळे*

http://mikamblemahesh.blogspot.com/?m=1

🌼🌼🌼🌼🌼🌼🌼🌼🌼🌼🌼